Azərbaycan Kikboksinq Federasiyası və Xocalı İdman Klubunun təşkilatçılığı ilə keçirilən “Xocalıya Ədalət – Xocalı Kuboku VII” turniri 21–22 fevral 2026-cı il tarixlərində Sərhədçi İdman Mərkəzində davam edir.
21 fevral tarixində yarışın rəsmi açılış mərasimi keçirilib. Tədbirdə şəhid ailələri, qazilər, məşqçilər, idmançılar və çoxsaylı tamaşaçılar iştirak ediblər. Mərasimdə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.
Xocalı soyqırımı qurbanlarının xatirəsinə həsr olunan bu yarış idmanla yanaşı, milli birliyin və vətənpərvərlik ruhunun təcəssümüdür.
Turnirin final döyüşləri 22 fevral 2026-cı il tarixində Sərhədçi İdman Mərkəzində baş tutub. “Xocalıya Ədalət” şüarı ilə təşkil olunan yarışın final döyüşlərindən görüntülər federasiyanın rəsmi Facebook səhifəsində 1 mart 2026-cı il tarixində yayımlanıb.
Mənbə: WAKO Azerbaijan (Facebook)